साकीनाक्यात भंगार गोदामाला आग; दोघांचा मृत्यू.

मुंबई, २१ ऑक्टोबर, NVNEWS: साकीनाका, अंधेरी पूर्व येथील खैराणी रोडवरील अब्दुल रशीद कंपाउंडमधील भंगार गोदामाला २० ऑक्टोबर रोजी संध्याकाळी ६:१८ वाजता आग लागली. अग्निशमन दलाने आगीची तीव्रता Level-II घोषित केली.आग विझवण्याचे काम मध्यरात्री १२:३० वाजेपर्यंत सुरू होते. त्यानंतर घटनास्थळावरून दोन मृतदेह आढळले आणि ते शवविच्छेदनासाठी राजावाडी रुग्णालयात पाठवण्यात आले. उपलब्ध माहितीनुसार, मृतांची ओळख निश्चित झाली नव्हती. आगीत चार जण जखमी झाल्याची माहिती मिळाली त्यापैकी काहींची प्रकृती गंभीर असल्याचे माहिती समोर आली आहे.
अग्निशमन दलाच्या माहितीनुसार आग सुमारे चार हजार चौरस फुटांपर्यंत पसरली आणि ६० ते ७० व्यावसायिक गाळे तसेच चाळींना बाधा झाली. नुकसानीचे अंतिम मूल्यांकन आणि आग लागण्याचे कारण अद्याप स्पष्ट झालेले नाही.या घटनेत जीवितहानी झाल्याने परिसरातील अग्निसुरक्षा, गोदामातील ज्वलनशील साहित्याची साठवण आणि आपत्कालीन मार्गांची उपलब्धता यांची तपासणी महत्त्वाची ठरणार आहे.