पुण्यात ३४ वर्षीय युवतीचा मृतदेह फ्लॅटमध्ये सापडला, ६ दिवसांपासून कुटुंबाशी संपर्क नव्हता.
शिरगाव पोलिसांनी अपघाती मृत्यूची नोंद केली असून परिस्थितीचा तपास सुरू आहे.
पुणे,30 ऑक्टोबर NVnews-छत्रपती संभाजीनगरची ३४ वर्षीय युवती, जी MBA करण्यासाठी जुलै २०२५ मध्ये लंडनला गेली होती, तिचा मृतदेह बुधवारी रात्री पिंपरी-चिंचवडमधील गहुंजे येथील भाड्याच्या फ्लॅटमध्ये सापडला. पोलिसांनी तिच्या वडिलांनी दिलेल्या मिसिंग तक्रारीचा तपास करताना हा फ्लॅट शोधून काढला.
शिरगाव पोलिसांनी अपघाती मृत्यूची नोंद केली असून परिस्थितीचा तपास सुरू आहे. युवतीचा अत्यंत कुजलेला मृतदेह फ्लॅटमध्ये आढळला. वरिष्ठ पोलिस निरीक्षक देवेंद्र चव्हाण यांनी सांगितले की, मृत्यूचे नेमके कारण शवविच्छेदनानंतरच स्पष्ट होईल.
कुटुंबीयांच्या म्हणण्यानुसार, युवतीचा शेवटचा संपर्क २३ ऑक्टोबर रोजी आईशी झाला होता, जेव्हा तिने मुलाखत असल्याचे सांगून फोन अचानक कट केला. २४ ऑक्टोबरच्या संध्याकाळनंतर तिचा फोन बंद लागला. कुटुंबीय वारंवार संपर्क करण्याचा प्रयत्न करत होते.
पिंपरी-चिंचवडचे सहायक पोलिस आयुक्त मनीष कल्याणकर यांनी सांगितले की, पोलिसांनी कुलूप तोडून फ्लॅटमध्ये प्रवेश केला तेव्हा मृतदेह आढळला. प्राथमिक तपासात हा आत्महत्येचा प्रकार असल्याचा संशय आहे, मात्र कोणतीही सुसाइड नोट सापडलेली नाही.
ही युवती लंडनमध्ये नियमितपणे कुटुंबीयांच्या संपर्कात होती. या घटनेमुळे परिसरात खळबळ उडाली असून पोलिस अधिक तपास करत आहेत.